कलेज अफ नर्सिङ

शीर मेमोरिएल एड्भेन्टिस्ट हस्पीटल मेडिकल इन्स्टिच्यूट, कलेज अफ नर्सिङ (शीमेएहमेइ–कअन), १९ सेप्टेम्बर २००५ मा स्थापित भएको हो । यो शीमेएअ कम्पेल्क्समा अवस्थित छ । बिएससी नर्सिङ कार्यक्रम काठमाडौं विश्‍वविद्यालय धुलिखेल, काभ्रेसँग सम्बन्धन प्राप्त छ । प्रथम वर्षका विद्यार्थीहरूले इन्टिग्रेटेड हेल्थ साइन्सेज १, २ , र ३ विषयमा काठमाडौं विश्‍वविद्यालय विज्ञान अध्ययन प्रतिष्ठानका (केयुएसएमएस) प्रोफेसरको मातहतमा सैद्धान्तिक र व्यवहारिक कक्षाहरू लिन्छन् । यसैले, हाम्रा विद्यार्थीहरूले केयुएसएमएसका अनुभवी प्रोफेसरहरूद्वारा उच्च गुणस्तरीय शिक्षा पाइरहेका छन् र संजालको विकास गरिरहेका छन् । शीर मेमोरियल एड्भेन्टिस्ट अस्पताल (शीमेएअ) का १५० वटा शैय्याहरू छन् । शीमेएअ एउटा पूर्ण उपचार सेवा गर्ने अस्पताल हो । यसैले, हाम्रा विद्यार्थीहरूले हाम्रो आफ्नैै अस्पतालमा क्लिनिकल अभ्यास गर्ने पूरा मौका प्राप्त गर्छन् । कलेजमा सबैखाले सुविधाहरू उपलब्ध छ, जसमा कक्षाकोठा, आधारभूत विज्ञान प्रयोगशाला (ल्याब), पोषण ल्याब, श्रव्यदृश्य ल्याब, कम्प्यूटर ल्याब, पुस्तकालय, प्रदर्शनी कोठा, अफिसहरू, सम्मेलन हल, भिजिटिङ कोठा, क्यान्टीन, होस्टेल र अन्य अर्थपूर्ण शिक्षण र सिकाइ अनुभवका लागि आवश्यक भौतिक सुविधाहरू उपलब्ध रहेको छ । शीमेएहमेइ–कअनले राष्ट्रिय तथा अन्तराष्ट्रिय रूपमा चर्चित कलेज तथा विश्‍वविद्यालयहरूसँग सम्बन्धहरू विकास गरेको छ । ताकि हाम्रा विद्यार्थीहरू विभिन्‍न नर्सिङ शिक्षा प्रणालीसँग, शिक्षक पद्यतिहरूसँग, उच्चस्तरीय प्रविधिहरूसँग अभ्यस्थ हुन, क्लिनिकल अभ्याससँग, प्रयाप्त भौतिक सुविधाहरूसँग र संस्थागत व्यवस्थापनसँग परिचित हुनसकून् । शिक्षकहरू विद्यार्थीहरूको अर्थपूर्ण सिकाइ अनुभवका लागि समर्पित छन् । शिक्षकहरू विद्यार्थीहरूको लागि आदर्शपात्रहरू हुन् किनकि हामीले खोजअनुसन्धान र जीवनकालीन सिकाइको भाव प्रदर्शन गर्छौं । योग्य र अनुभवी शिक्षकहरू शिक्षणमा, क्लिनिकल अभ्यासमा, रिसर्चमा, परामर्शमामा र अन्य गतिविधिहरूमा सरिक हुन्छन् । नतिजास्वरूप, हामीकहाँबाट दीक्षान्तीत विद्यार्थीहरूले नेपाल नर्सिङ काउन्सिलको लाइसेन्स परीक्षामा १०० प्रतिशत पास भएका छन् । पाठ्‌यक्रम बाहेक हामीकहाँ अतिरिक्त क्रियाकलापहरू हुन्छ । खेलकूद र सांस्कृतिक कार्यक्रमहरूले विद्यार्थीहरूलाई शारीरिक र सामाजिक रूपमा बढ्न सहायता गर्छ । हामीले राष्ट्रिय तथा अन्तराष्ट्रिय विज्ञहरू बोलाएर हाम्रा विद्यार्थीहरू तथा शिक्षकहरूलाई विभिन्‍न स्वास्थ्य सम्बन्धी तालिम दिने गर्छौं । यस्ता खाले तालिमले हामीकहाँबाट दीक्षान्तीत भएकाहरूको जागिर पाउने सम्भावनामा योगदान प्रदान गर्छ । यसैले, हाम्रा सत प्रतिशत दीक्षान्तीत विद्यार्थीहरूले दीक्षान्त प्राप्त गरेलगत्तै बजारमा काम पाइहाल्छन् । हाम्रा विद्यार्थीहरू, कर्मचारीहरू, शिक्षकहरू तथा प्रशासकहरूकोतर्फबाट हाम्रो गौरवशाली अध्ययन संस्थानको एउटा भाग हुनको लागि स्वागत गर्न पाउनु हाम्रो शौभाग्यको कुरा हो । तारा जङ गुरुङ, पीएडी भीपी अफ एकेडेमिक्स